अ‍ॅन आय फॉर अ‍ॅन आय

"तू त्यांचा सूड घ्यायलाच हवास सईद, अन्यायाचा सूड घ्यायलाच हवास." आपला आवाज अधिक उंच करत यासेर म्हणाला. "ऐक सईद, जखमेच्या बदल्यात जखम-नाकाच्या बदल्यात नाक, कानाच्या बदल्यात कान, दाताच्या बदल्यात दात आणि डोळ्याच्या बदल्यात डोळाच, सईद, डोळ्याच्या बदल्यात डोळाच! अॅन आय फॉर अॅन आय!” मुठी आवळून हात उंच करून ओरडून यासेर बोलत होता, "हे देवाचे स्वतःच्या तोंडचे शब्द आहेत."