सांजवा

तिन्हिसांजेनंतरचा रात्रपूर्व अल्पकाळ म्हणजे 'सांजवा'! दिवस पुरता ढळलेला असतो. रेंगाळणाऱ्या क्षीणशा उजेडआभेत अंधाराची शाश्वती दाटलेली असते. त्यानंतरची दीर्घ रात्र म्हणजे प्रकाशाचा अखंड अभाव ! तिच्या पोटात उजाडण्याची आशा पालवत असते. मानवी जीवनातही सुख-दुःखांचे आवर्त असेच मावळत-उमलत असतात. कधी निसटून गेलेल्या सुखांच्या आणि कधी प्राप्त केलेल्या दुःखमुक्तीच्या आठवणींचे प्रदेश; आयुष्याच्या 'सांजवा'काळात कसे गर्दगहिरे होतात, हुरहूर लावत राहतात याचा काव्यगर्भ, नाट्यमय प्रत्यय 'सांजवा'तल्या पाचीही कथा देतात.