हृदयस्थ

'हृदयस्थ' ही कहाणी आहे नितू मांडके या बिनधास्त, महत्त्वाकांक्षी मराठी माणसाची. त्यांचं शल्यकौशल्य, कामाचा झपाटा, संवेदनशीलता आणि भव्य स्वप्नं हे सारं यथार्थपणे उभं केलंय त्यांच्या सहचारिणीने. आपल्या पतीच्या आकांक्षांत विरघळून गेलेल्या, त्याच्या मृत्यूचं दुःख पचवून त्याचं स्वप्न सत्यात उतरवण्यासाठी एकाकीपणे झटणाऱ्या डॉ. अलका मांडके यांनी या वादळासोबतच्या आपल्या सहजीवनाचा पट उलगडलाय. तो मनाला न भिडला तरच नवल!