अव्याहत वाटा वेदनांच्या

स्त्रीवाद, पर्यावरणाचे भान, परिवर्तनाची चळवळ, शोषणाच्या विरोधातील बंडखोरी ही 'अव्याहत वाटा वेदनांच्या' या संहितेला असलेली विविध परिमाणे आहेत. जागतिकीकरणाच्या माणूस आणि निसर्ग यांच्यावरील भांडवली आक्रमणामुळे ही परिमाणे या कादंबरीत अधिकात अधिक तीव्रतम स्वरूपात अवतरली आहेत. त्यामुळे सैद्धांतिक संभाषिताचा परिचित आधार सोडून ही परिमाणे येथे भावानुभवाच्या पातळीवर उतरतात. सैद्धांतिक जाणिवेची धार शाबूत ठेवत सामाजिक-सांस्कृतिक संबंधांमधील वेदनांची ठसठस या कादंबरीमधून व्यक्त होते. या वेदना मुक्तिदायी आहेत आणि त्यांना परिवर्तनाची आस आहे. संरचनेच्या व भाषेच्या अंगाने ही कादंबरी विशेष अर्थपूर्ण आहे. तिच्यामध्ये मिध्ये व वास्तव यांचे मिश्रण करून वर्तमान परिस्थितीचे वेगवेगळ्या अंगांनी छेद घेतले गेले आहेत. ज्यामुळेच ती रूढ वास्तववादाच्या पलीकडे जाते, विशिष्ट कालावकाशात बांधली न जाता व्यापक होत जाते. - हरिश्चंद्र थोरात