घेतलंय स्टेअरिंग हाती

आहे माहीत मला कितीही बदलला गियर नाही जाता येणार रिव्हर्स युगाच्या जुन्या चिवट जखमांवर येणार नाही लावता मलम कदाचित जोडताही नाही येणार हातातून सुटून गेलेल्या काळाची नाजूक भिंगरी घेतलंय स्टेअरिंग हाती कालचक्रच आहे हे आता पुढचा काळ माझा ज्यांनी केले कालबाह्य लोटून दिले काळ्या गर्तेत काळाशी जुळवू दिलीच नाही पावले काळाची येऊ दिलीच नाही दृष्टी त्यांना विचारणार आहे जाब देणार करारा जवाब