सावित्री एक अवलोकन

'सावित्री' शेवटच्या क्षणापर्यंत स्वतःच्या अस्तित्त्वाचा शोध घेणारी एक कुशाग्र, अतिशय संवेदनशील आणि परिपक्वतेकडे झेप घेणारी युवती आहे. 'स्त्रीच्या मनाचा तळ कुणीच गाठू शकत नाही. 'असा परंपरागत विचार फार पूर्वीपासूनच रूढ आहे. सावित्रीच्याही बाबतीत तेच खरे आहे. सावित्रीच्या जीवनाचे आकलन अखेर आपल्याच कुवतीवर येऊन ठेपते. जो जसा, ज्याचे मन जसे, ज्याची बुद्धी कुंवत जशी, त्याचे आकलनही तसेच असते. सावित्री आणि तिचे मनही तसेच आहे. या न्यायानेच 'सावित्री' कादंबरी अनेकार्थी ठरते.